BMV prataraniŭ kałonu junych viełasipiedystaŭ na MKAD
abnoŭlena, dadałosia videa
Asnoŭny ŭdar pryniali na siabie treniery, jakija zamykali kałonu. Vosiem paciarpiełych trapili ŭ balnicy Minska.
Asnoŭny ŭdar pryniali na siabie treniery, jakija zamykali kałonu. Vosiem paciarpiełych trapili ŭ balnicy Minska.
Pra heta paviedamiŭ adkazny doktar stancyi chutkaj dapamohi Dzianis Majsiejenka.
DTZ adbyłosia ŭčora viečaram. Na Minskaj kalcavoj aŭtadarozie, u rajonie 10-j balnicy, aŭtamabil BMV urezaŭsia ŭ kałonu junych viełasipiedystaŭ. Pavodle papiaredniaj infarmacyi, kiroŭca lehkavoj mašyny byŭ niaŭvažlivy ŭ čas ruchu i ŭjechaŭ u viełasipiedystaŭ, jakija ruchalisia ź nievialikaj chutkaściu.
Dzianis Majsiejenka kaža, što
"traŭmy nie ciažkija, ale patrabujuć lekavańnia i miedycynskaha nahladu".
Junaki taksama trapili ŭ stan psichałahičnaha šoku. Pavodle słoŭ viełasipiedystaŭ, asnoŭny ŭdar pryniali na siabie treniery, jakija zamykali kałonu.
Viadziecca rasśledavańnie.
U hrupie ravarystaŭ było 12 čałaviek, u tym liku dva treniery.