Dakładčyk PASIE pa Biełarusi asudziła praciah represij u krainie
Kamisija pa palityčnych pytańniach Parłamienckaj asamblei Savieta Jeŭropy na pasiadžeńni 9 sakavika ŭ Paryžy pryniała rašeńnie zaprasić pradstaŭnikoŭ hramadzianskaj supolnaści i niezaležnych ŚMI Biełarusi dla abmienu mierkavańniami sa svaimi členami padčas viesnavoj siesii PASIE 11–15 krasavika ŭ Strasburhu.
U chodzie pasiadžeńnia dakładčyk pa Biełarusi Sinika Churskajnien (Finlandyja) «rašuča asudziła praciah represij suprać hramadzianskaj supolnaści, pravaabaroncaŭ, niezaležnych ŚMI i aktyvistaŭ apazicyi», havorycca ŭ paviedamleńni
Churskajnien vykazała hłybokuju zaniepakojenaść «niespraviadlivymi i palityčna matyvavanymi sudovymi pracesami, paviedamleńniami ab katavańniach ŭ niavoli, nieprazrystym rasśledavańniem padziej 19 śniežnia i praciaham vyniasieńnia śmiarotnych prysudaŭ u Biełarusi».
Dakładčyk pa Biełarusi asudziła papiaredžańnie, vyniesienaje Biełaruskamu Chielsinkskamu kamitetu Ministerstvam justycyi, i zajaviła, što kamitet pa palityčnych pytańniach PASIE pryniaŭ rašeńnie prakansultavacca ź Vieniecyjanskaj kamisijaj na pradmiet adpaviednaści hetaha papiaredžańnia mižnarodnym normam pravoŭ čałaviek.
Zaraz BCHK asprečvaje ŭ Viarchoŭnym sudzie papiaredžańnie Miniusta, jakoje było vyniesiena paśla taho, jak pravaabaroncy prainfarmavali śpiecdakładčyka AAN pa pytańniach niezaležnaści sudździaŭ i advakataŭ Habryełu Knaul ab faktach nacisku ŭładaŭ na advakataŭ, jakija abaraniajuć fihurantaŭ kryminalnaj spravy ab masavych biesparadkach 19 śniežnia.
Miniust vynies BCHK papiaredžańnie «za parušeńnie zakanadaŭstva ab hramadskich abjadnańniach, srodkach masavaj infarmacyi, raspaŭsiudžvańnie niepraŭdzivaj infarmacyi, jakaja dyskredytuje pravaachoŭnyja orhany i orhany justycyi respubliki, ułasny statut arhanizacyi».