Minekanomiki rychtuje pavyšeńnie cenaŭ na leki
Pa asobnych pazicyjach, naprykład, dzie častka impartnaj syraviny dasiahaje 90%, rezkaha rostu cenaŭ nie paźbiehnuć.
Kancern "Biełbijafarm" unios u Ministerstva ekanomiki Biełarusi prapanovy nakont pavyšeńnia cenaŭ na lekavyja srodki biełaruskaj vytvorčaści.
Pra heta paviedamiŭ Interfaksu pradstaŭnik viedamstva.
"Jość prapanova pa dosyć šyrokim asartymiencie lekaŭ, jakija vypuskajuć pradpryjemstvy, što ŭvachodziać u kancern, i ceny na jakija rehuluje dziaržava.
Kancern imkniecca minimizavać vydatki ŭ suviazi z devalvacyjaj aficyjnaha abmiennaha kursu biełaruskaha rubla, bo balšynia biełaruskich lekaŭ maje davoli vysokuju častku impartnaj syraviny", — skazaŭ čynoŭnik.
Jon adznačyŭ, što Minekanomiki ŭ hetych umovach maje namier zabiaśpiečyć minimalna mahčymy rost roźničnych cen, u tym liku za košt źnižeńnia ŭzroŭniu rentabielnaści farmpradpryjemstvaŭ. Adnak "pa asobnych pazicyjach, naprykład,
dzie častka impartnaj syraviny dasiahaje 90%, rezkaha rostu cenaŭ nie paźbiehnuć".