Bałharyja – za žorskija sankcyi suprać Minska
«Dumaju, što ŭ dačynieńni da Biełarusi usio ž taki varta užyvać inšy instrumient: cisk, kateharyčny cisk, sankcyi i padtrymku apazicyi», — skazaŭ kiraŭnik MZS.
Bałharyja nastojvaje na praciahu palityčnaha cisku i bolš žorstkija sankcyi ŭ dačynieńni da uładaŭ Biełarusi dla taho, kab prymusić ich vykonvać pravy čałavieka,
zajaviŭ ministr zamiežnych spraŭ Mikałaj Mładenaŭ.
«Dumaju, što ŭ dačynieńni da Biełarusi usio ž taki varta užyvać inšy instrumient: cisk, kateharyčny cisk, sankcyi i padtrymku apazicyi», — zajaviŭ jon na sustrečy z rasijskimi žurnalistami ŭ piatnicu ŭ Maskvie.
Hetak ministr adkazaŭ na pytańnie, ci ličyć Bałharyja metazhodnym prymianieńnie ŭ dačynieńni da biełaruskich uładaŭ taktyki «zachavańnie pravoŭ čałavieka ŭ abmien na jeŭrapiejskija kredyty dla Biełarusi».
Mładenaŭ nahadaŭ, što 23 maja Jeŭrasajuz pryniaŭ rašeńnie ab uviadzieńni sankcyj u dačynieńni da hrupy biełaruskich sudździaŭ, jakija prymali ŭdzieł u sudovych pracesach nad pradstaŭnikami biełaruskaj apazicyi.
«Padčas nastupnaha pasiadžeńnia nam treba budzie viarnucca da temy sankcyj u dačynieńni da Biełarusi», — ličyć ministr.