Sud nad Andrejem Pačobutam pryznačany na 14 červienia
Pasiadžeńnie maje adbycca ŭ sudzie Leninskaha r-na Hrodna.
Takuju infarmacyju paviedamiła Biełaruskaj asacyjacyi žurnalistaŭ žonka žurnalista Aksana Pačobut.
Pasiadžeńnie maje adbycca ŭ sudzie Leninskaha r-na Hrodna, sudździa — Vital Lecka. Nakont adkrytaści pracesu infarmacyi pakul niama.
Andrej Pačobut — karespandent polskaj «Hazety vyborčaj»,
jakoha vinavaciać u parušeńni dvuch artykułach Kryminalnaha kodeksu RB: 368 (častka I) — «abraza» i 367 (častka I) — «paklop» u adnosinach da prezidenta.Pa pieršym ź ich praduhledžana pakarańnie da dvuch hadoŭ źniavoleńnia, pa druhim — ad dvuch da čatyroch hadoŭ. Pačobuta ŭtrymlivajuć u śledčym izalatary Haradzienskaj turmy. U źniavoleńni jon znachodzicca ad 6 krasavika.