Viadučaja kultavaj teleprahramy «Zdaroŭje» pakutavała na artryt, pamierła paśla pierałomu šyjki ściahna
Julii Bialančykavaj było 70 hadoŭ.
Na sajcie rasijskaha Pieršaha kanała źjaviłasia paviedamleńnie, što Julija Bialančykava pamierła ŭ noč na niadzielu.
«Siońnia nočču nie stała Julii Bialančykavaj. Zasłužanaja doktarka Rasii, jana bolš 20 hadoŭ viała na telebačańni prahramu «Zdaroŭje». Miljony ludziej u Savieckim Sajuzie ličyli Juliju Vasileŭnu svaim siamiejnym doktaram. Bialančykava pravodziła ŭ efiry sapraŭdny miedycynski likbiez: prosta i dastupna raskazvała pra leki i mietady lekavańnia, tłumačyła składanyja terminy. Dla nahladnaści prasiła surazmoŭcaŭ malavać», — adznačajecca ŭ paviedamleńni.
«U jaje pieradačach było ŭsio: ad paradaŭ, jak pravilna apracavać ranu, da navukovych adkryćciaŭ. Usia kraina słuchała i zapisvała. Vyniki vielmi chutka zaŭvažyli ŭ balnicach: dziakujučy tamu, što ludzi navučylisia pravilna akazvać pieršuju dapamohu da pryjezdu «chutkaj», daktary ŭžo u klinikach zmahli vyratavać niamała žyćciaŭ», — paviedamlaje telekanał.
Bialančykava doŭhi čas pakutavała na artryt. Pamierła ž jana nieŭzabavie paśla taho, jak złamała sabie šyjku ściahna. Vychodziačy z vanny, paśliznułasia i... bolej jana nie ŭstavała.