Fiadutu nie puścili ŭ Vilniu
Frunzienski sud admoviŭ Alaksandru Fiadutu ŭ mahčymaści vyjechać u Vilniu dla ŭdziełu ŭ navukovaj kanferencyi, pryśviečanaj kulturnaj spadčynie Vialikaha Kniastva Litoŭskaha.
Pavodle Fiaduty, sud admoviŭ na toj padstavie, što nie ŭstupiŭ u zakonnuju jurydyčnuju siłu prysud, jaki byŭ vyniesieny ŭdzielnikam Płoščy, bo abvinavačanyja padali kasacyjnuju skarhu.
Alaksandar Fiaduta atrymaŭ 2 hady pazbaŭleńnia voli ŭmoŭna z vyprabavalnym terminam u 2 hady. Jon znachodzicca pad padpiskaj ab niavyjeździe.
«Ja drenna staŭlusia da takich sankcyj, bo nie źbiraŭsia tam zajmacca nijakaj palityčnaj dziejnaściu, a mienavita navukovaj. Tyja paŭhoda žyćcia, jakija ŭ mianie adniała ŭsia hetaja nadumanaja sprava, prymušajuć mianie pieranieści abaronu doktarskaj dysertacyi, bo ja nie paśpieŭ u termin skončyć manahrafiju.