Źmianiajucca maršruty tralejbusaŭ na Majakoŭskaha ŭ Minsku
U suviazi z budaŭnictvam transpartnaj raźviazki na skryžavańni vulic Dzianisaŭskaja i Majakoŭskaha z 15 červienia da 1 vieraśnia źmianiajucca maršruty tralejbusaŭ.
Jak paviedamlaje HU «Staličny transpart i suviaź», ruch tralejbusaŭ № № 19 i 20 u abodvuch napramkach arhanizujecca pa vulicy Aranskaja, Partyzanskim praśpiekcie, vulicy Kašavoha i praśpiekcie Rakasoŭskaha.
Ruch tralejbusaŭ № 23 arhanizujecca da płoščy Vaniejeva z prachodžańniem pa vulicy Aranskaja, Partyzanskim praśpiekcie, vulicach Vaniejeva, Kašavoha, Partyzanskim praśpiekcie i vulicy Aranskaja.
Dla kampiensacyi źniataha tralejbusnaha ruchu arhanizujecca časovy aŭtobusny maršrut № 192 «Aŭtavakzał Uschodni — vakzał» z prachodžańniem pa vulicach Vaniejeva, Dzianisaŭskaja, Majakoŭskaha, Śviardłova, Uljanaŭskaja, Babrujskaja ŭ prostym napramku i pa vulicach Babrujskaja, Kirava, Śviardłova, Majakoŭskaha, Dzianisaŭskaja, Vaniejeva — u zvarotnym.
Pasažyram, jakija majuć šmatrazovyja prajaznyja dakumienty na prajezd u tralejbusie, budzie dadziena prava prajezdu na praciahu červienia 2011 hoda ŭ časovym aŭtobusnym maršrucie № 192