Varjat zarezaŭ zahadčycu kramy pradpryjemstva, kaža, što jamu «zahadana zabivać žančyn»
Śledčym adździełam prakuratury Minska raspačataja sprava za zamach na zabojstva (č. 1 art. 14 i č. 1 art. 139 KK) u dačynieńni da.28-hadovaha pracoŭnaha AAT «Kieramin»
Jak raskazaŭ BiełaPAN starejšy pamočnik prakurora Minska Siarhiej Bałašoŭ, ranicaj 13 červienia mužčyna ŭ formiennaj vopratcy rabotnika «Kieramina»
prakraŭsia ŭ administracyjny błok firmovaj kramy pradpryjemstva na vulicy Siarova, prajšoŭ u kabiniet zahadčycy i, ničoha nie kažučy, nanios joj nažom udar u šyju. Pakinuŭšy nož u ranie, pajšoŭ, sieŭ u spadarožnuju mašynu i źjechaŭ.Zatrymać padazravanaha atrymałasia pa prykmietach praź niekalki hadzin u horadzie. Jon zaklučany pad vartu i źmieščany ŭ respublikanskuju kliničnuju psichijatryčnuju lakarniu ŭ Navinkach.
Žančynie — kiroŭcu mašyny, u jakoj mužčyna ŭciok ź miesca złačynstva, paśla zatrymańnia jon zajaŭlaŭ, što jamu zahadana zabivać žančyn. Jak adznačyŭ Siarhiej Bałašoŭ, akramia psichičnaha niezdaroŭja padazravanaha praviarajucca i inšyja viersii i matyvy ŭčynieńnia złačynstva.