U Lelčyckim rajonie zhareŭ Dom kultury

U vioscy Dziaržynsk Lelčyckaha rajona zhareŭ Dom kultury.

Budynak zahareŭsia kala 4 hadzin ranicy 14 červienia. Jak paviedamiŭ BiełaPAN pres-sakratar Homielskaha abłasnoha ŭpraŭleńnia MNS Rusłan Habryloŭ, u vyniku pažaru źniščany dach, stolevaje pierakryćcie, mebla, muzyčny centr, DVD-prajhravalnik i dva kinaprajektary.

Najbolš vierahodnyja viersii pryčyny ŭźniknieńnia pažaru — pramoje papadańnie małanki, nieaściarožnaje abychodžańnie z ahniom abo parušeńnie pravił ekspłuatacyi elektraabstalavańnia. Dakładnaja pryčyna pažaru i materyjalny ŭron ŭstanaŭlivajucca śpiecyjalnaj kamisijaj.

Budynak Doma kultury ź biarvieńnia, 1978 hoda pabudovy, naležyć adździełu kultury Lelčyckaha rajvykankama. Napiaredadni pažaru jakija-niebudź mierapryjemstvy ŭ budynku nie pravodzilisia.

U MNS dadali, što ŭ Domie kultury nie byli vykanany prapanavanyja supraćpažarnyja mierapryjemstvy.

U dačynieńni da 14 sielskich damoŭ kultury Lelčyckaha rajona dziejničajuć pastanovy ab zabaronie ekspłuatacyi, u dačynieńni jašče da 11 vyniesieny papiaredžańni ab zabaronie ekspłuatacyi, u tym liku i pa dziaržynskim Domie kultury. Sioleta prakuratura rajona i rajonny vykanaŭčy kamitet dvojčy byli prainfarmavanyja ab stanie pažarnaj biaśpieki abjektaŭ kultury.

Kamientary da artykuła