U turfirmach dalar kaštuje stolki ž, kolki jeŭra ŭ avijakampanii

A kurs dalara ŭ internet-kramach moža źmianiacca niekalki razoŭ na dzień.

Kurs dalara ŭ internet-kramach moža źmianiacca niekalki razoŭ na dzień. U internet-kramie ličbavaj techniki zaza.by zranku ŭ piatnicu jon kaštavaŭ 6700 rubloŭ. A paśla abiedu padaražeŭ da 6900 rubloŭ i pakul bolš nie mianiaŭsia. Pa słovach supracoŭnika kramy, kurs pačaŭ skakać na apošnim tydni, da taho ž nazirałasia adnosnaja stabilnaść. Praŭda, pakupniki staralisia nabyvać drobnyja tavary.

«Popyt, zrazumieła, upaŭ, ale niešta biaruć. Pieravažna biaruć nievialikija tavary: akumulatary, fłeški — da 50 dołaraŭ. Niešta bujnoje — za 200 ci 300 dołaraŭ — biaruć mała. Adnosna niadrenna biaruć fotaaparaty».

U internet-kramie deshevo.by apošnim časam situacyja z zakazami taksama narmalizavałasia. Ale za apošni tydzień

košt dołara vyras z 6300–6400 da 7200 rubloŭ, a pakupniki pamienšyli svaju aktyŭnaść.

«Telefanujuć, pytajucca, ale niejak nieachvotna. Bačać, što niadaŭna ŭsio było bolš-mienš stabilna, a ciapier znoŭ pačało raści. U minułym miesiacy było dobra z zakazami, nabyvali. A zaraz nieviadoma, što budzie ŭ bližejšaj budučyni».

Apošni miesiac kurs dołara ŭ turfirmach składaje 7400–7500 rubloŭ.

«U minułym hodzie letam nam nie było kali papić kavy. Tolki ciapier ludzi ažyvilisia, i aktyŭnaść stała nahadvać pačatak žniŭnia minułaha hoda», — kaža jana.

Supracoŭnica «Salviejk» kaža, što da samoha kursa turysty pryvykli i ŭžo nie tak nie ździŭlajucca, jak niekalki miesiacaŭ tamu.

U nacyjanalnaj avijakampanii «Biełavija» kurs jeŭra składaje 7212 rubloŭ. Heta krychu bolš koštu jeŭra pavodle Nacbanka (7071 rubl) i mieniej koštu dołara ŭ turfirmach (7400–7500 rubloŭ).

Za dołar u «Tureckich avijalinijach» pryjdziecca zapłacić taksama bolš, čym za jeŭra ŭ «Biełavija» — 7370 rubloŭ.

Kamientary da artykuła