U Baranavičach chočuć pravieści pikiet u abaronu Bialackaha
Žychar horada Siarhiej Hoŭša padaŭ zajaŭku na pikiet, jaki płanuje pravieści ŭ Starym parku 22 žniŭnia.
Meta pikietu — prainfarmavać hramadzianaŭ Baranavič pra aryšt Alesia Bialackaha — kiraŭnika niezarehistravanaha HA «Pravaabarončy centr «Viasna»,
U vypadku ŭźniknieńnia pieraškodaŭ dla praviadzieńnia dadzienaha mierapryjemstva Siarhiej Hoŭša prosić prapanavać jamu alternatyŭny čas albo miesca.Adnačasova arhanizatar pikietu padaŭ zajavy na składańnie damovy z Baranavickim adździełam unutranych spravaŭ, sa śpiecaŭtabazaj i sa stancyj chutkaj dapamohi.
Pa słovach arhanizatara pikietu, Bialacki byŭ aryštavany byccam za ŭtojvańnie svaich prybytkaŭ u litoŭskich bankach. Ale jak ličyć Siarhiej Hoŭša, hetyja hrošy išli na pravaabarončuju dziejnaść, bo sam pravaabarončy centr «Viasna» byŭ zakryty ŭładami ŭ 2003 hodzie. «Praz try hady Kamitet pa pravach čałavieka pry AAN pastanaviŭ, što „Viasna“ zakrytaja niezakonna, — skazaŭ Hoŭša. — Biełaruskija ŭłady pavinnyja byli adnavić dziejnaść centru i kampiensavać straty, ale heta nie zroblena dahetul».
Siarhiej Hoŭša pryznaŭsia, što maje słabuju nadzieju na atrymańnie dazvołu na pikiet. «Za čatyry apošnija hady ŭ Baranavičach dazvolili tolki dva pikiety, — kaža jon, — Čarnavusu i Hryku, apošni da taho ž musiŭ za heta jašče i spłacić hrošy roznym słužbam horada».