Biełaruś pakul nie atrymaje druhi tranš kredytu JeŭrAzES
«Nie praviedziena ŭnifikacyja abmiennaha kursu, nie stabilizavana situacyja z punktu hledžańnia reziervaŭ, nie adnoŭleny davier nasielnictva da nacyjanalnaj valuty», — kažuć rasijskija bankiry.
Terminy vydzialeńnia Biełarusi druhoha tranša ($400 miljonaŭ) kredytu Antykryzisnaha fondu JeŭrAzES mohuć być pieraniesieny, ličyć dyrektar pa karparatyŭnym finansavańni Jeŭrazijskaha banka raźvićcia Dźmitry Krasilnikaŭ.
Raniej mierkavałasia, što druhi tranš pastupić u krainu da 31 kastryčnika 2011 hoda.
«Pakul zafiksavanych terminaŭ niama, byli nazvany papiarednija adznaki. Skazać, kali budzie pradstaŭleny druhi tranš, ciapier nichto nie moža», — skazaŭ Krasilnikaŭ, padkreśliŭšy, što
ŭ pryncypie «druhi tranš budzie vydzieleny».
Jon rastłumačyŭ, što niavyznačanaść z terminami vydzialeńnia druhoha tranša vyklikana adsutnaściu prahresu ŭ vykanańni biełaruskim bokam uziatych na siabie abaviazkaŭ pa strukturnych reformach — «nie praviedziena ŭnifikacyja abmiennaha kursu, nie stabilizavana situacyja z punktu hledžańnia reziervaŭ, nie adnoŭleny davier nasielnictva da nacyjanalnaj valuty».
Jak paviedamlałasia, u pačatku červienia Antykryzisny fond JeŭrAzES pryniaŭ dadatnaje rašeńnie pra vydzialeńnie Biełarusi stabilizacyjnaha kredytu na $3 miljarda ŭ
Pieršy tranš kredytu ŭ sumie $800 miljonaŭ pastupiŭ u Biełaruś u kancy červienia.