U Kamianieckim rajonie zahinuła pacyjentka balnicy, jakaja spuskałasia pa praścinach z 4 paviercha
U Kamiancy milicyja pravodzić pravierku pa fakcie hibieli 30-hadovaj žycharki rajona.
Jak paviedamili BiełaPAN u rajonnym adździele ŭnutranych spraŭ, cieła žančyny vyjavili a 2-j hadzinie nočy 9 studzienia kala budynka suchotnaj lakarni ŭ vioscy Viarchovičy, dzie zahinułaja prachodziła prymusovaje lačeńnie.
Pa papiarednich źviestkach, žančyna sprabavała spuścicca na ziamlu z akna čaćviortaha pavierchu pa źviazanych praścinach, sarvałasia i zahinuła. Jana ŭpała prykładna z vyšyni treciaha paviercha. Zahinułaja pražyvała ŭ adnym ź sielskich nasielenych punktaŭ Kamianieckaha rajona.
Pryčynu śmierci sialčanki vyśviatlaje sudova-miedycynskaja ekśpiertyza.