U Lidzie šostyja sutki šukajuć 19-hadovaha chłopca
Małady čałaviek źnik u piatnicu 13 studzienia. U hety čas jon znachodzicca ŭ kłubie «Prospekt».
Chłopca šukajuć ŭsim horadam — milicyja, siabry, adnakurśniki, znajomyja.
Usie, chto byŭ ź Ivanam u tuju noč, śćviardžajuć, što chłopiec zhubiŭ numarok u harderobie.
Ivan razzłavaŭsia i raźbiŭ škło. Na kadrach kamiery videanazirańnia vidać, jak paśla hetaha jon vyjšaŭ na vulicu ŭžo ŭ kurtcy znajomaha. Zatym chutka pierasiok terytoryju zapravačnaj stancyi. Nazad Ivan nie viartaŭsia. Dalej za stancyjaj znachodzicca pažarny vadajom i bałota.
U milicyi razhladajuć niekalki viersij: niaščasny vypadak, złačynstva, chłopiec spałochaŭsia i schavaŭsia.I milicyja, i rodnyja chłopca spadziajucca, što Ivan niedzie schavaŭsia i čakaje momantu. Usie vakolicy bałota ŭžo daśledavali ŭzdoŭž i papiarok. Ničoha nie znajšli i vadałazy na dnie vadajomaŭ. Siabry Vani arhanizavali śpiecyjalnuju hrupu — rasklejvajuć pa horadzie ŭlotki, šukajuć vidavočcaŭ praź Internet. U milicyi apytvajuć usich, chto ŭ tuju noč byŭ na dyskatecy.