Sańnikaŭ sustreŭsia ŭ viciebskaj kałonii z žonkaj i maci

24 studzienia ŭ viciebskaj kałonii «Vićba-3» adbyłosia karotkaterminovaje spatkańnie eks-kandydata ŭ prezidenty Biełarusi Andreja Sańnikava z svajakami — žonkaj Irynaj Chalip i maci Ałaj Sańnikavaj.

«Spatkańnie adbyłosia. Usio, što ja chaču vykazać, ja vykažu na pres-kanfierencyi 25 studzienia», — paviedamiła žonka palityka pa zakančeńni spatkańnia.

Nahadajem,

ciapierašniaje spatkańnie Iryny Chalip z mužam adbyłosia paśla bolš čym čatyrochmiesiačnaha pierapynku.

20 studzienia asudžany palityk sustrakaŭsia sa svaim advakatam, jaki paśla hetaha paviedamiŭ, što ŭ Sańnikava ŭsio narmalna i nijakich skarhaŭ niama.

14 maja 2011 hoda sud Partyzanskaha rajona Mienska asudziŭ Sańnikava na piaci hadoŭ pazbaŭleńnia voli ŭ kałonii ŭzmocnienaha režymu, jon pryznany vinavatym u arhanizacyi masavych biesparadkaŭ 19 śniežni 2010 hoda. Adbyvać pakarańnie palityk pavinien byŭ u vypraŭlenčaj kałonii Navapołacka (Viciebskaja vobłaść), kudy byŭ etapavany ŭ kancy lipienia, adnak praz dva miesiacy jaho biez tłumačeńnia pryčyn pieraviali ŭ babrujskuju kałoniju № 2. U listapadzie palityka znoŭ etapavali, ale kudy mienavita — doŭhi čas nie viedali ni svajaki Sańnikava, ni jaho advakaty.

Kamientary da artykuła