Rasijski partał Banki.ru kuplaje biełaruski Infobank.by

Infobank.by staŭ druhim paśla ŭkrainskaha Banki.ua zamiežnym aktyvam hrupy.

Infarmacyjny partał Banki.ru (Rasija) zaviaršyŭ ździełku pa nabyćci kantrolnaha pakieta akcyj biełaruskaha Infobank.by, adnaho ź viadučych bankaŭskich internet-sajtaŭ Biełarusi.

Infobank.by staŭ druhim paśla ŭkrainskaha Banki.ua zamiežnym aktyvam hrupy. U bližejšy čas sajt čakaje redyzajn, pracavać jon praciahnie na raniejšym damienie.

Pa słovach hienieralnaha dyrektara Banki.ru Filipa Iljina-Adajeva,

«u Infobank.by pryvabiła, pierš za ŭsio, najaŭnaść mocnaj kamandy, jakaja na paraŭnalna nievialikim rynku zmahła zrabić cikavy i prybytkovy prajekt».

Pa damoŭlenaści bakoŭ zasnavalniki sajta praciahnuć pracu ŭ kampanii.

Infarmacyjny partał Banki.ru byŭ stvorany ŭ 2005 hodzie. Siońnia heta najbujniejšy bankaŭski sajt Rasii z naviedvalnaściu 1500000 unikalnych naviednikaŭ u miesiac. Zasnavalniki — Filip i Kirył Iljiny-Adajevy. U 2010 błakujučy pakiet ŭ kampanii kupiŭ inviestycyjny fond «Finam». U 2011 Banki.ru nabyŭ adnajmienny internet-resurs va Ukrainie.

U strukturu hrupy ŭvachodziać taksama sajty Allbanks.ru (najbujniejšy katałoh bankaŭ Rasii i SND), All-Leasing.ru (viadučy lizinhavy partał), Autorenter.ru (adzinaja baza pa arendzie aŭtamabilaŭ).

Kamientary da artykuła