Siarhiej Kavalenka: «Budu haładać da kanca»
Maci, brat i syn Siarhieja Kavalenki sustrelisia ź im u minskim izalatary na Vaładarskaha, dzie znachodzicca respublikanski turemny špital.
«Jon ledź pryjšoŭ na spatkańnie. Vielmi chudy i słaby. Jamu treba nieadkładnaja miedycynskaja dapamoha va ŭmovach dobraj cyvilnaj lakarni, turemnym lekaram jon nie daviaraje», — paviedamiła maci viaźnia Lidzija Kavalenka.
Pavodle brata Siarhieja Kavalenki Vitala, viazień nie źbirajecca skančać haładoŭku, pakul nie admieniać niezakonny prysud. «Siarhiej sapraŭdy vielmi słaby, ale maralna jon mocny jak nikoli. Jon zaklikaŭ biełarusaŭ zmahacca za niezaležnaść svajoj radzimy i jaje nacyjanalnyja simvały. Asobna Siarhiej padziakavaŭ usim, chto jaho padtrymlivaje i dapamahaje jahonym svajakam, i asabista padziakavaŭ Zianonu Paźniaku za salidarnaść ź im», — raspavioŭ Vital Kavalenka.
Ź pierapynkami Siarhiej Kavalenka haładaje ź siaredziny śniežnia, u lutym całkam admoviŭsia ad ježy. Za čas haładoŭki viazień schudnieŭ bolej jak na 30 kiłahramaŭ. Aktyvista KCHP — BNF Siarhieja Kavalenku sud pryznaŭ vinavatym u parušeńni režymu adbyćcia «chatniaj chimii», pryznačanaj za vyviešvańnie