Na składach pradpryjemstvaŭ nazapasiłasia pradukcyi na $2,3 młrd
Pa stanie na 1 krasavika 2012 hoda na składach pramysłovych pradpryjemstvaŭ Biełarusi nazapasiłasia hatovaj pradukcyi na 18 trłn. 377,7 młrd. rubloŭ (prykładna 2,3 młrd. dalaraŭ u ekvivalencie).
Jak paviedamlaje Biełstat, abjom nierealizavanaj pradukcyi skłaŭ 46,4% siaredniamiesiačnaha abjomu vytvorčaści, pamienšyŭšysia za sakavik na 2,5% (48,9% — na 1 sakavika 2012 hoda).
Najbolšyja suadnosiny zapasaŭ i siaredniamiesiačnaha abjomu vytvorčaści — na pradpryjemstvach abutkovaj i harbarnaj haliny (220,8%), tekstylnaj i šviejnaj vytvorčaści (135,6%), farmaceŭtyčnaj haliny (131,5%).
U hornazdabyŭnaj pramysłovaści hety pakazčyk skłaŭ 8,6% (na 1 sakavika 2012 hoda — 8,7%), u apracoŭčaj — 53% (56,7%), u tym liku ŭ charčovaj pramysłovaści — 58,8% (69,9%), drevaapracoŭčaj halinie — 71,8% (73,1%), celułozna-papiarovaj halinie i vydavieckaj dziejnaści — 68,2% (62,5%).
Na pradpryjemstvach pa vytvorčaści humavych i płastmasavych vyrabaŭ suadnosiny zapasaŭ pradukcyi da siaredniamiesiačnaha abjomu vytvorčaści skłali 73,4% (64,3%), u mietałurhičnaj vytvorčaści — 44,4% (43,5%), vytvorčaści mašyn i abstalavańnia — 97,7% (87%), vytvorčaści elektraabstalavańnia, elektronnaha i aptyčnaha abstalavańnia — 88,5% (81,1%), transpartnych srodkaŭ i abstalavańnia — 78,1% (77,3%), inšych halinach pramysłovaści — 54,5% (52,2%).