Biełaruś: Pastavak zbroi ŭ Kot-dJIvuar nie było

Dziaržaŭny vajenna-pramysłovy kamitet Biełarusi abvierh infarmacyju, što źjaviłasia 19 krasavika ŭ internecie, pra toje, što nibyta mieli miesca niezakonnyja pastaŭki krainaj zbroi ŭ Kot-dJIvuar.

«Źjaŭleńnie ŭ šerahu ŚMI čarhovaj dezinfarmacyi pra pastaŭki, jakija nibyta mieli miesca, zbroi z Respubliki Biełaruś u Kot-dJIvuar, što źjaŭlajecca parušeńniem sankcyj AAN, u Dziaržkamvajenpramie razhladajuć jak elemient naŭmysnaj destruktyŭnaj infarmacyjnaj kampanii, skiravanaj na padryŭ imidžu našaj dziaržavy, śviedčańniem čamu źjaŭlajecca źjaŭleńnie takich infarmacyjnych „vutak“ z peŭnaj pieryjadyčnaściu», — zajaviŭ BiełaPAN pradstaŭnik Dziaržkamvajenprama pa infarmacyi i suviaziach z hramadskaściu Uładzimir Łaŭraniuk.

Pavodle jaho słoŭ, «niesumlennyja aŭtary takich „siensacyj“ zabyvajuć pra toje, što ŭ pačatku sakavika 2011 hoda AAN užo prynosiła aficyjnyja prabačeńni Respublicy Biełaruś za pamyłkovuju infarmacyju pra toje, što nibyta mieli miesca pastaŭki bajavych viertalotaŭ u Kot-dJIvuar u abychod sankcyj AAN».

Łaŭraniuk padkreśliŭ, što ŭpaŭnavažanyja biełaruskija dziaržaŭnyja orhany, jakija ŭvachodziać u sistemu ekspartnaha kantrolu, aktyŭna supracoŭničajuć u tym liku i z hrupaj ekśpiertaŭ pa Kot-dJIvuary ŭ miežach vykanańnia pałažeńniaŭ adpaviednych rezalucyj Savieta biaśpieki AAN.

«U suviazi z hetym, Dziaržkamvajenpram aficyjna zajaŭlaje, što Biełaruś stroha vykonvaje rezalucyi AAN, pry hetym pastaŭki śpiecyfičnych tavaraŭ (rabot, pasłuh) zamiežnym partnioram ažyćciaŭlajucca vyklučna ŭ adpaviednaści z normami i pryncypami mižnarodnaha prava. U Biełarusi stvorana nacyjanalnaja sistema ekspartnaha kantrolu, jakaja adpaviadaje ŭsim mižnarodnym standartam i vyklučaje mahčymaść niesankcyjanavanych pastavak abjektaŭ ekspartnaha kantrolu, što nieadnarazova paćviardžałasia, u tym liku i ekśpiertami AAN», — zajaviŭ pradstaŭnik Dziaržkamvajenprama.

Kamientary da artykuła