Anarchist Mikałaj Dziadok pravioŭ 13 sutak u ŠIZA
Pra heta paviedamiŭ baćka palitviaźnia Alaksandr Dziadok
Jon apavioŭ, što 7 krasavika Mikałaja biez tłumačeńnia pryčynaŭ pieraviali z Mahiloŭskaj kałonii № 15 ŭ ŠkłoŭskujuVK-17 .
«Adnak jaho adrazu pieraviali nie ŭ karancin, chacia pra heta kazali. A pa nadumanych padstavach pasadzili ŭ ŠIZA spačatku na 10 sutak, a potym jašče na 3 sutak. Ciapier Mikałaja pieraviali ŭ atrad № 17 hetaj kałonii.
Na syna praciahvajecca cisk, kab jon napisaŭ prašeńnie ab pamiłavańni. I hety cisk pavialičvajecca».
Mikałaja Dziadka taksama pazbavili spatkańnia z maci, jakoje płanavałasia 16 krasavika.
***
27 traŭnia 2011 hoda Mikałaj Dziadok byŭ asudžany pa spravie anarchistaŭ razam ź Iharam Alinievičam i Alaksandram Franckievičam. Ich abvinavacili ŭ arhanizacyi antymilitarysckaha šeścia la budynka Minabarony, napadzie na kazino «Šanhry Ła» i izalatar na Akreścina, padpale dźviarej filijału «Biełarusbanka», napadzie na rasijskuju ambasadu.
Dziadok atrymaŭ 4,5 hoda pazbaŭleńnia voli ŭ kałonii ŭzmocnienaha režymu.