Kolkaść psichična chvorych dziaciej vyrasła ŭ Rasii na 61% za dziesiacihodździe
Kolkaść dziaciej, jakija pakutujuć na psichičnyja zachvorvańni, u Rasii za apošnija 11 hadoŭ uzrasła bolš čym na 60%, paviedamiła načalnik adździeła pa zabieśpiačeńni dziejnaści ŭpaŭnavažanaha pry prezidencie Rasii pa pravach dziciaci Volha Prystanskaja.
Ahułam, kolkaść dziaciej ź invalidnaściu va ŭzroście da 18 hadoŭ u 2010 hodzie ŭ paraŭnańni z 2009 hodam vyrasła na 1,6% i dasiahnuła bolš za 550 tysiač čałaviek.
Rost psichičnych chvarobaŭ u dziaciej miedyki źviazvajuć najpierš sa złoŭžyvańniem ałkaholem i tytuniom. Jano źviazanaje z ładam žyćcia, kulturnymi zvyčkami. Ale najpierš — z nadzvyčajnaj dastupnaściu. Ceny na ałkahol i tytuń nie tolki ŭ Rasii — va ŭsich postsavieckich krainach — hranična nizkija, što źviazana z papulizmam uładaŭ. Doŭhaterminovaja sacyjalnaja i ekanamičnaja škoda ad hetaha — hihanckaja.