Parłamient Kanady pryznaŭ praviednikam mitrapalita Šaptyckaha
Nižniaja pałata parłamienta Kanady — Pałata hramadaŭ — adnahałosna pryznała prykładam «addanaści asnoŭnym pravam čałavieka» dziejnaść mitrapalita Ukrainskajhreka-katalickaj carkvy Andreja Šaptyckaha (1865 — 1944) padčas Druhoj suśvietnaj vajny.
Pra heta paviedamlaje Kanhres ukraincaŭ Kanady.
Prapanova adznačyć dziejnaść kiraŭnika najbujniejšaj relihijnaj abščyny Zachodniaj Ukrainy ŭnios u parłamient ministr hramadzianstva, imihracyi i šmatkulturnaści Kanady Džejsan Keni.
Kanadskija parłamientaryi adznačajuć, što «ŭ zmročny pieryjad historyi Jeŭropy, padčas masavaha zabojstva habrejaŭ i nacysckaj akupacyi mitrapalit Šaptycki ŭsłych vystupiŭ suprać hvałtu ŭ svajoj kazani «Nie zabi».
Dziakujučy jaho namahańniam byli vyratavanyja bolš za 160 habrejaŭ, adzin ź jakich prysutničaŭ na pasiadžeńni Pałaty hramadaŭ parłamienta Kanady padčas pryniaćcia rašeńnia.