U Minsku prapaŭ hramadzianin Livii, jaki pryjechaŭ na azdaraŭleńnie

Staličnaja milicyja adšukvaje 39-hadovaha hramadzianina Livii Šachuta Mustafu Sulejmana, jaki prylacieŭ u Biełaruś ź vialikaj hrupaj suhramadzian na azdaraŭleńnie.

Jak paviedamiła pres-aficer Centralnaha RUUS Minska Śviatłana Kabkova, 16–18 krasavika ŭ Minsk zhodna z biełaruska-livijskimi damoŭlenaściami prybyli dva čartary ź Livii, na borcie jakich znachodziłasia ad 300 da 450 livijcaŭ. Častka ź ich była raźmieščana ŭ haścinicach «Płanieta» i «Arbita». Dla siamiejnych pasolstva Livii ŭ Minsku źniało kvatery ŭ centralnaj častcy horada.

Źnikły, jaki pakutuje na prydurkavataść, razam ź siastroj i plamieńnikam prylacieli nočču 18 krasavika i byli pasieleny ŭ kvatery doma na vulicy Zasłaŭskaj.

Ranicaj 18 krasavika svajaki, kali pračnulisia, nie znajšli treciaha člena siamji.

Šachuta Mustafa Sulejman nie mieŭ pry sabie nijakich dakumientaŭ. Jon maje try kłasy adukacyi, na radzimie pracavaŭ dvornikam, nasiłu razmaŭlaje navat na rodnaj movie, schilny da badziažnictva.

Jaho prykmiety: z vyhladu 38 hadoŭ, rost da 160 sm, chudarlavaha ciełaskładu, plečy apuščanyja, typ skury smuhły, vočy karyja, vałasy čornyja ź siviznoj, kučaravyja, koratka stryžany, pamier abutku 38–39. Asablivyja prykmiety: na ciele šmat radzimak. Kuryć, marudna razmaŭlaje. Byŭ apranuty: štany, majka čornaha koleru, tufli karyčnievaha koleru.

Hramadzian, jakija majuć jakuju-niebudź infarmacyju pra miescaznachodžańnie zamiežnaha hramadzianina, milicyja pierakanaŭča prosić paviedamić pa telefonach: (8017) 288-80-13, 288-02-02 ci 102.

Kamientary da artykuła