Armienija zapłacić štraf za admovu ad udziełu ŭ «Jeŭrabačańni-2012»
Armienija zapłacić štraf za admovu ad udziełu ŭ piesiennym konkursie«Jeŭrabačańnie-2012» , jaki adbudziecca ŭ kancy maja ŭ Azierbajdžanie. Takoje rašeńnie pryniaŭ Jeŭrapiejski viaščalny sajuz (JEVS).
U pastanovie JEVS, u pryvatnaści, havorycca, što Jerevan pavinien zapłacić poŭny ŭznos za ŭdzieł u konkursie. Akramia taho, u jakaści štrafu Armienii patrebna vypłacić jašče pałavinu ad hetaj sumy. Adznačajecca taksama, što Hramadskaje telebačańnie Armienii abaviazali pakazać finał mižnarodnaha piesiennaha konkursu ŭ pramym efiry.
U tym vypadku, kali kraina nie vykanaje rašeńnie JEVS, jana budzie adchilena ad udziełu ŭ «Jeŭrabačańni» ŭ 2013 hodzie. Pavodle niekatorych danych, pry vyniasieńni adpaviednaj pastanovy, pryčyny,
Armienija aficyjna admoviłasia ad udziełu ŭ «Jeŭrabačańni» 7 sakavika. Raniej hrupa armianskich vykanaŭcaŭ źviarnułasia z adkrytym piśmom da Hramadskaha telebačańnia krainy, u jakim zaklikała da bajkotu konkursu. Padstavaj dla hetaha stała hibiel armianskaha sałdata na hranicy z Azierbajdžanam, jaki, jak mierkavałasia, byŭ zabity azierbajdžanskim snajpieram. Paśla stała viadoma, što sałdata zastreliŭ tavaryš pa słužbie.
U vyniku admovy Armienii ŭ konkursie prymuć udzieł 42 krainy. U kožnym paŭfinale budzie pradstaŭlena 18 krain. Finał konkursu adbudziecca 26 maja.-