Pjany ŭščent biełarus naprakudziŭ pad Vilniaj
U Elektrenai pjany aŭtamabilist źbiŭ aharodžu, urezaŭsia ŭ dom, a potym u słup. U jaho ŭ kryvi było 2,27 pramile ałkaholu.
Trokski rajonny sud pryznačyŭ hramadzianinu Biełarusi administracyjny aryšt na 15 sutak za parušeńnie praviłaŭ darožnaha ruchu.
1 maja, kala 19:00 palicyja Elektrenaja atrymała paviedamleńnie pra toje, što ŭ vioscy Łaździanaj aŭtamabil VW Transporter urezaŭsia ŭ płot i pałamaŭ jaho. Źjechaŭšy ź miesca zdareńnia, kiroŭca, zajazdžajučy ŭ dvor, urezaŭsia ŭ cahlany budynak, a potym u mietaličny słup. Kiroŭca znoŭ źjechaŭ ź miesca zdareńnia.
Palicyja znajšła vinavataha DTZ — hramadzianina Biełarusi V.B. (1977 h.n.), u kryvi jakoha było 2,27 pramile ałkaholu.
U sieradu sud, razhledzieŭšy administracyjnuju spravu, pryznaŭ jaho vinavatym za toje, što jon kiravaŭ aŭtamabilem u niećviarozym vyhladzie, urezaŭsia ŭ aharodžu, dom i słup i źjechaŭ ź miesca zdareńnia. Sud pryznačyŭ jamu administracyjny aryšt na 15 sutak i pazbaviŭ kiroŭčych pravoŭ na try hady.
Pastanova moža być abskardžana ŭ Vilenskim akruhovym sudzie.