Unikalnaja vystava pra historyju Pałaca vialikich kniazioŭ litoŭskich adkryvajecca ŭ Minsku

Vystava budzie prachodzić da 26 žniŭnia.

17 maja Nacyjanalny histaryčny muziej Respubliki Biełaruś (vuł. Marksa, 12) prezientuje vystavu sa zboru Nacyjanalnaha muzieja Litvy «Pałac vialikich kniazioŭ litoŭskich u Vilni».

Ekspazicyja pryśviečana historyi pałaca, žyćcia i dziejnaści vialikich kniazioŭ litoŭskich, jana składajecca z pradmietaŭ interjeru, archieałohii, vyrabaŭ ź mietału, kieramiki. Vystava znajomić naviedvalnikaŭ z unikalnymi ŭzorami mebli, pradmietami pobytu i chatniaha ŭžytku, habielenami XVI–XVII stst. Vyrabami kieramičnaha promysłu XIV–XIX stst., redkimi ŭzorami daśpiechaŭ, zbroi, kartahrafii i atrybutyki časoŭ isnavańnia Vialikaha kniastva Litoŭskaha.

Svaju dziejnaść Nacyjanalny muziej «Pałac vialikich kniazioŭ litoŭskich» pačaŭ u 2009 hodzie — u hod ŭračystaha śviatkavańnia tysiačahodździa pieršaha piśmovaha zhadvańnia nazvy Litva.

Historyja Pałaca vialikich kniazioŭ litoŭskich pačynajecca z kanca XV ​​- pačatku XVI stst. Jon pieražyŭ razbureńnie ŭ XIX st. Hruntoŭnyja archieałahičnyja daśledavańni terytoryi byli pačaty tolki ŭ 1987 hodzie. U vyniku daśledavańniaŭ było nazapašana bolš za 300 tys. artefaktaŭ.

U 2000 hodzie pryniata rašeńnie ab adnaŭleńni Pałaca vialikich kniazioŭ litoŭskich, a ŭ 2002-m pačalisia raboty pa jaho adnaŭleńni. Siońnia heta muziej typu histaryčnaj rezidencyi. U im praduhledžana funkcyjanavańnie pastajannych ekspazicyj z častkovym adnaŭleńniem histaryčnych interjeraŭ, ažyćciaŭleńnie aktyŭnaj hramadska-adukacyjnaj dziejnaści, praviadzieńnie vystaŭ, kancertaŭ, kanfierencyj, a taksama reprezientatyŭnych dziaržaŭnych mierapryjemstvaŭ na vyšejšym uzroŭni.

Kamientary da artykuła