Pierachodu na vyvučeńnie historyi i hieahrafii Biełarusi na biełmovie nie płanujecca

Minadukacyi: Biełaruskaj movaj vałodaje małaja kolkaść školnikaŭ.

Uviadzieńnia abaviazkovaha vyvučeńnia historyi i hieahrafii Biełarusi na biełaruskaj movie ŭ najbližejšy čas čakać nie varta. Namieśnik ministra adukacyi Kazimir Faryno na pres-kanfierencyi «Siaredniaja škoła na sučasnym etapie: stan, prablemy i pierśpiektyvy»

rastłumačyŭ heta nievialikaj kolkaściu školnikaŭ, jakija vałodajuć biełaruskaj movaj, nieabchodnaściu pieradrukoŭvać padručniki i Kanstytucyjaj.

«Na hety momant historyju Biełarusi na biełaruskaj movie ŭ našaj krainie vyvučaje kala 18% dziaciej, ź jakich tolki 5% pražyvaje ŭ haradach», — rastłumačyŭ Faryno. Pavodle Ministerstva adukacyi, historyju Biełarusi na biełaruskaj movie ŭ sielskaj miascovaści vyvučajuć 56% školnikaŭ, a na rasijskaj — 44%.

K. Faryno rastłumačyŭ,

što ŭ pierśpiektyvie rašeńnie paŭsiudna vyvučać historyju i hieahrafiju svajoj krainy na biełaruskaj movie moža być realizavana, ale nie ciapier.

«Bo dla taho, kab heta zrabić, nieabchodna pieravydavać šmatlikija padručniki, — rastłumačyŭ jon. — Naprykład, dla pieravydańnia padručnikaŭ dla adnoj paraleli 5-ha kłasa nieabchodna vydatkavać kala 1,3 młrd rubloŭ, a dla ŭsich kłasaŭ z 5-ha pa 11-y, jakija vyvučajuć historyju Biełarusi — bolš za 10 młrd».

Čynoŭnik miarkuje, što rašeńnie pierajści na biełaruskuju movu ŭ navučańni historyi i hieahrafii moža być nieadnaznačna ŭspryniata i ŭ mnohich siemjach.

«Daviadziecca adkarektavać narmatyŭna-pravavuju bazu — zakon ab movach, kodeks ab adukacyi. Naohuł, pa Kanstytucyi ŭ nas dźvie movy, i prava vybaru adnaho ź ich — za baćkami», — nahadaŭ jon.

Kamientary da artykuła