Minčan pazbaviać ad čerhaŭ da turnikietaŭ 3 Lipienia

Kolkaść kantrolna-prapusknych punktaŭ u čas śviatočnych mierapryjemstvaŭ z nahody Dnia Niezaležnaści budzie pavialičana. Ab hetym paviedamiŭ siońnia žurnalistam načalnik upraŭleńnia achovy pravaparadku Ministerstva ŭnutranych spraŭ Ivan Kubrakoŭ.

«Da nas źviartalisia hramadzianie, jakija prasili ŭ niekatorych miescach (u pryvatnaści, u rajonie haścinicy „Biełaruś“) pavialičyć prapusknuju zdolnaść kantrolna-prapusknych punktaŭ. Usie pažadańni hramadzian byli ŭličany», — zapeŭniŭ načalnik upraŭleńnia achovy pravaparadku. Pavodle jaho słoŭ, rychtavacca da achovy pravaparadku ŭ Dzień Niezaležnaści supracoŭniki milicyi pačali zadoŭha da śviata.

Ivan Kubrakoŭ nahadaŭ, što z 1 lipienia pa ŭsioj Biełarusi pačnucca śviatočnyja mierapryjemstvy z nahody Dnia Niezaležnaści, pryčym asnoŭnyja padziei prypaduć na 2–3 lipienia.

Načalnik adździeła arhanizacyi miedycynskaj abarony pry nadzvyčajnych situacyjach Ministerstva achovy zdaroŭja Aleh Pančuk raskazaŭ, što ŭ suviazi ź pieranosam rabočych dzion arhanizacyi achovy zdaroŭja, jakija majuć łožkavy fond, buduć pracavać 30 červienia pa hrafiku subotniaha dnia, 1 lipienia — vychadnoha dnia, 2 lipienia — rabočaha dnia, 3 lipienia — śviatočnaha dnia.

Palikliniki buduć pracavać 30 červienia pa hrafiku rabočaha dnia, 1 lipienia — vychadnoha dnia, 2 lipienia — subotniaha dnia, 3 lipienia — śviatočnaha dnia.

U čas vajennaha parada i maładziožnaha šeścia ŭ Minsku buduć dziažuryć da 25 bryhad chutkaj miedycynskaj dapamohi, u tym liku 7 bryhad u kalidorach biaśpieki. Akramia taho, u režymie pastajannaj hatoŭnaści buduć dva aŭtamabili pa dastaŭcy preparataŭ kryvi.

Kamientary da artykuła