«Škaduju, što pierajechała ź Minska ŭ Zasłaŭje»
abnoŭlena; dadalisia fota i videa.
U Zasłaŭi zastajecca niavyrašanaj prablema vady.
Takaja vadkaść ciakła z kranaŭ u haradskich kvaterach Zasłaŭja ŭviečary 9 lipienia 2012 hoda paśla dvuch adklučeńniaŭ elektryčnaści.
Takaja vadkaść ciakła z kranaŭ u haradskich kvaterach Zasłaŭja ŭviečary 9 lipienia 2012 hoda paśla dvuch adklučeńniaŭ elektryčnaści.
Letaś «NN» pisała pra situacyju z vadoj u Zasłaŭi. Na žal, prablema nie źnikła. «Škaduju, što pierajechała ź Minska ŭ Zasłaŭje», piša naša čytačka Halina i dałučaje fota: Napor vady mały, pieršyja 5 chvilin z krana ciače brudnaja žyža. Jana pierabrałasia ŭ Zasłaŭje ź Minska kala hoda tamu. Čamu jana musić płacić za nieprydatnuju dla ŭžyvańnia vadu, jakuju rehularna davodzicca źlivać?
«Samaje sumnaje, što, dla ź miascovych — heta narmalnaja źjava.Mahčyma, niechta skaža, što ja raśpieščanaja žančyna sa stalicy, ale žyć u XXI stahodździ ŭ narmalnych umovach — heta pavinna być normaj!» — piša žycharka Zasłaŭja.
Prablema ŭ sastarełych kamunikacyjach
U Zasłaŭskaj ŽKH karespandentu «NN» raskazali, što vada ŭ kvatery žycharoŭ horada padajecca z artezijanskaj śvidraviny. Jana idzie pa centralnaj mahistrali, zakładzienaj dziasiatki hadoŭ tamu. Akramia taho, u samich damach vodapravody ŭ mnohich vypadkach taksama patrabujuć ramontu i pračystki.
Supracoŭnik ŽKH Siarhiej Maisiejenka kaža, što jahonaja arhanizacyja nie zdymaje ź siabie ŭsioj adkaznaści, ale i ŽEU mahli b taksama parupicca pra stan žyllovaha fondu.
Biada ŭsioj krainy
U Biełaruskim tavarystvie abarony spažyŭcoŭ raskazali, što davoli časta sutykajucca z padobnymi skarhami.
Jak patłumačyli ŭ tavarystvie, u vypadku častaj padačy niajakasnaj vady spažyŭcy majuć prava pa kampiensacyju. Ale pierš za ŭsio nieabchodna źviarnucca ŭ zanalny centr hihijeny i epidemijałohii.Kali pravierka vyjavić, što vada nasamreč nie adpaviadaje normam, z vynikami ekśpiertyzy možna iści ŭ sud. Zrešty, u tavarystvie padkreślili, što časam sam fakt pravierki z centra hihijeny vyrašaje prablemu.
Takaja vadkaść ciakła z kranaŭ u haradskich kvaterach Zasłaŭja ŭviečary 9 lipienia 2012 hoda paśla dvuch adklučeńniaŭ elektryčnaści. Brudnaja vada ściakała da ranicy.