Jarmošyna admoviła inicyjatyvie Usa
Pryčynaj byli nazvany parušeńni ŭ padačy śpisaŭ siabroŭ inicyjatyŭnaj hrupy.
Centrvybarkam Biełarusi admoviŭ u rehistracyi inicyjatyŭnaj hrupy pa realizacyi prava zakanadaŭčaj inicyjatyvy. Ab hetym siońnia ŭ čas pasiadžeńnia CVK zajaviŭ sakratar Centralnaj kamisii Biełarusi pa vybarach i praviadzieńni respublikanskich refierendumaŭ Mikałaj Łazavik.
Pryčynaj byli nazvany parušeńni ŭ padačy śpisaŭ siabroŭ inicyjatyŭnaj hrupy.
Inicyjatyŭnaja hrupa (323 čałavieki), jakuju ŭznačalvaje eks-kandydat u prezidenty Dźmitryj Us, mieła namier unieści ŭ vybarčaje zakanadaŭstva nastupnyja papraŭki: dać kandydatam u prezidenty i deputaty prava na ŭklučeńnie ich pradstaŭnika va ŭčastkovyja vybarčyja kamisii; abaviazać vybarčyja kamisii pry padliku hałasoŭ vystaŭlać na ahlad naziralnikaŭ kožny biuleteń; dać prava kožnamu členu ŭčastkovych kamisij stavić svaje podpisy na vybarčych biuleteniach.
Usie hetyja normy prysutničajuć u zakanadaŭstvie inšych pierachodnych krain, dzie isnujuć niadaŭnija precedenty falsifikacyj.