Samyja dziavočyja harady Biełarusi — Lida i Ivacevičy
Tut naradžajecca dziaŭčynak bolš, čym chłopčykaŭ.
U dvuch biełaruskich haradach dziaŭčynak naradžajecca bolš, čym chłopčykaŭ - takim vyklučeńniem z ahulnaha praviła źjaŭlajucca Lida i Ivacevičy. Pra heta paviedamiła pres-sakratar Nacyjanalnaha statystyčnaha kamiteta Alena Kandracienka.
Jak śviedčyć demahrafičnaja statystyka, u Biełarusi (jak, zrešty, i va ŭsim śviecie) tradycyjna pieravaha na baku novanarodžanych pradstaŭnikoŭ mocnaha połu:
štohod na 100 dziaŭčynak u respublicy naradžajecca ŭ siarednim 106 chłopčykaŭ(naprykład, u 2010 hodzie hetyja suadnosiny byli 100 da 104, u 2009-m - da 107).
Adnak letaś u dvuch haradach hiendernaja pieravaha skłałasia na karyść novanarodžanych pradstaŭnic słabaha połu:
u Lidzie na 616 chłopčykaŭ naradziłasia 658 dziaŭčynak, u Ivacevičach - 155 dziaŭčynak na 130 chłopčykaŭ.
Va ŭsie časy - niezaležna ad krain śvietu, narodaŭ i ras - siarod niemaŭlataŭ nazirajecca pieravaha chłopčykaŭ nad dziaŭčynkami.