Kandraćjeŭ nazvaŭ kančatkovy skład alimpijskaj futbolnaj zbornaj

Kapitanam zbornaj na Alimpijadzie budzie Stanisłaŭ Drahun.

Hałoŭny trenier alimpijskaj zbornaj Biełarusi Hieorhij Kandraćjeŭ viečaram 9 lipienia nazvaŭ kančatkovy skład kamandy, jakaja voźmie ŭdzieł u łondanskaj Alimpijadzie.

Jak paviedamiła pres-słužba Biełaruskaj fiederacyi futboła, nie trapili ŭ asnoŭny śpis abaroncy Vital Hajdučyk i Aleh Vieraciła, napadajučy Maksim Skavyš i varatar Filip Vajciachovič. Jany ŭklučanyja ŭ rezierv.

U lik 18 vybranych Kandraćjevym futbalistaŭ uvajšli:

bramniki — Alaksandr Hutar (1989 hod naradžeńnia), Andrej Ščarbakoŭ (1991) (abodva — BATE, Barysaŭ);

abaroncy — Alaksiej Kazłoŭ (1989; «Tarpieda-BiełAZ», Žodzina), Maksim Vitus (1989; «Nioman», Hrodna), Ihar Kuźmianok (1990; «Homiel»), Dzianis Palakoŭ (1991; BATE), Alaksiej Haŭryłovič (1990; «Naftan», Navapołack), Siarhiej Palicievič (1990; «Dynama», Minsk);

paŭabaroncy — Dźmitryj Baha (1990), Renan Bresan (1988) (abodva — BATE), Ilja Aleksijevič (1991; «Homiel»), Arciom Sałaviej (1990; «Tarpieda-BiełAZ»), Stanisłaŭ Drahun (1988) («Dynama»), Michaił Hardziajčuk (1989; «Biełšyna»);

forvardy — Jahor Zubovič (1989; «Naftan»), Andrej Varankoŭ (1989; «Nioman»), Uładzimir Chvaščynski (1990; «Brest»), Siarhiej Karnilenka (1983; «Kryły Savietaŭ», Samara, Rasija).

Kapitanam zbornaj na Alimpijadzie budzie Stanisłaŭ Drahun.

Alimpijski turnir pačniecca dla biełaruskaj zbornaj 26 lipienia matčam z Novaj Ziełandyjaj. 29 lipienia kamanda Kandraćjeva zhulaje z brazilcami, 1 žniŭnia — ź Jehiptam. U čverćfinał vychodziać dźvie lepšyja kamandy kožnaj z čatyroch hrup.

Kamientary da artykuła