«Kryjem matam vaš Rasatam»: na miescy budučaj AES prajšła akcyja pratestu
Akcyju pratestu praviała hrupa maładych ludziej 17 lipienia na miescy budučaj biełaruskaj AES.
Udzielniki razharnuli transparanty «Kryjem matam vaš Rasatam» i «Nas nie spytali!». Na fonie infarmacyjnaha stenda i zbudavańniaŭ infrastruktury biełaruskaj AES źjaviłasia simvaličnaja jadziernaja śmierć z łapataj i płakatam «Budujecie AES? Tady ja idu da Vas».
Pavodle słoŭ adnaho z aktyvistaŭ, hetym pratestam maładyja ludzi chacieli pakazać, što biełaruskija hramadzianie nie prymali rašeńni pra budaŭnictva AES, raspracoŭka katłavana viadziecca ŭ adsutnaść prajekta Astravieckaj AES, bo zamova na prajektnuju dakumientacyju była raźmieščana adnačasova z pačatkam rabot. Hety fakt, na ich pohlad, jak i šmatlikija parušeńni, jakimi supravadžajecca atamnaja budoŭla, pavialičvaje niebiaśpieku stancyi.