KDB: Namieśnik Ładućki vymahaŭ 500 tysiač dalaraŭ

Čynoŭnik pryznaŭ svaju vinu.

Pieršy namieśnik staršyni Minskaha harvykankama Ihar Vasiljeŭ vymahaŭ chabar u pamiery $500 tys. u pradstaŭnikoŭ jeŭrapiejskaha pradpryjemstva-inviestara za spryjalnaje vyrašeńnie pytańnia, źviazanaha z zaklučeńniem inviestycyjnaj damovy na ahulnuju sumu bolš za $30 młn.», paviedamiŭ v.a. načalnika Centra infarmacyi i hramadskich suviaziej KDB Biełarusi Artur Strech.

Vasiljeŭ pastaviŭ pierad kamiersantami ŭmovu, što pieradača hrošaj pavinna ažyćciavicca dźviuma roŭnymi častkami pa $250 tys.

6 lipienia Vasiljeva zatrymali prosta ŭ słužbovym kabiniecie paśla atrymańnia pieršaj častki chabaru — $250 tysiač.

«KDB raspačaŭ kryminalnuju spravu pa č.3 art.430 Kryminalnaha kodeksa (atrymańnie chabaru ŭ asabliva bujnym pamiery asobaj, jakaja zajmaje adkaznaje stanovišča)», — paviedamiŭ pradstaŭnik KDB.

«U chodzie dopytu I.Vasiljeŭ svaju vinu pryznaŭ całkam», — skazaŭ Strech.

Kamientary da artykuła