Smalavicki rajon: paśla ŭdaru ab dreva Volvo raźlacieŭsia na častki

Učora kala 19:30 u MNS patelefanavali vidavočcy: na trasie Słabada — Navasady mašyna ŭrezałasia ŭ dreva, kiroŭcu zacisnuła ŭ sałonie.

Kali ratavalniki prybyli na miesca zdareńnia, jany ŭbačyli častki siedana — jaho koły, kraty radyjatara i inšyja detali, raskidanyja ŭ radyusie niekalkich dziasiatkaŭ mietraŭ.

Avaryja adbyłasia na 5-m kiłamietry trasy, niedaloka ad vioski Łužki (Smalavicki rajon), udakładnili ŭ MNS.

— Pavodle papiarednich dadzienych, kiroŭca Volvo XC70 nie spraviŭsia z kiravańniem, aŭtamabil źjechaŭ u kiuviet i ŭrezaŭsia ŭ dreva, — raskazali ratavalniki. — Paciarpiełaha mužčynu vyzvalili z dapamohaj hidraŭličnaha instrumienta.

Jon byŭ pieradadzieny daktaram «chutkaj» i dastaŭleny ŭ rajonnuju balnicu. Jaho stan na dadzieny momant nieviadomy.

Kamientary da artykuła