Mit Romni asudziŭ dyktaturu Łukašenki
«Prosta na ŭschod adsiul narod Biełarusi pakutuje ad pryhniotu». Abama ž za čas prezidenctva ni razu nie spatkaŭsia ź biełarusami.
Mit Romni (sprava) u časie sustrečy ź Lecham Valensam.
«Na žal, na siońnia jość častka śvietu, dzie žadańnie być volnym sustrakaje žorstki ŭcisk. Prosta na ŭschod adsiul narod Biełarusi pakutuje ad pryhniotu dyktatury», — zajaviŭ Mit Romni ŭ Varšavie.
Kandydat Respublikanskaj partyi na pasadu prezydenta ZŠA Mit Romni ŭ aŭtorak praciahvaje svoj vizit u Polšču — apošni ŭ ramkach jaho zamiežnaha turne. U prahramie vizitu — sustrečy z prezidentam Branisłavam Kamaroŭskim, kiraŭnikom MZS Radasłavam Sikorskim.
Jak paviedamlajuć ŚMI, Romni abraŭ dla naviedvańnia mienavita Polšču, najvažniejšaha amerykanskaha sajuźnika ŭ rehijonie,
kab pasprabavać pierakanać polskuju dyjasparu ŭ ZŠA, što jon zojmie bolš žorstkuju pazicyju ŭ adnosinach da Rasii, čym ciapierašni prezident ZŠA Barak Abama.
«Spadziavańni na ruch Rasii ŭ kirunku volnaha i adkrytaha hramadstva nie ŭviančalisia pośpiecham. U niespakojnym śviecie Polšča vystupaje ŭ jakaści prykładu i abaroncy svabody», — skazaŭ Romni.