Minus miedal: Andrej Rybakoŭ pakidaje Alimpijadu
Nivodnaj sproby ŭ ryŭku.
Biełaruski ciažkaatlet Andrej Rybakoŭ (katehoryja da 85 kh) nie realizavaŭ nivodnaj sproby ŭ ryŭku (try sproby) i pakidaje Alimpijadu.
Pakul u biełarusaŭ čatyry miedali na Alimpijskich hulniach: zołata Siarhieja Martynava (vintoŭka), srebra Alaksandry Hierasimieni (płavańnie) i dźvie bronzy ŭ ciažkoj atletycy: u Maryny Škiermankovaj i Iryny Kulešy.
Siońnia a 22.27 Alaksandra Hierasimienia papłyvie paŭfinał 50 m volnym stylem, zaraz Maksim Mirny i Viktoryja Azaranka hulajuć u druhim kole miksta tenisnaha turniru.
U subotu finał u akademičnym viesłavańni ŭ Kaciaryny Karsten. Matč za bronzu praviadzie Viktoryja Azaranka ŭ adzinočnym razradzie.