Z Baham, Bresanam, Hlebam, ale biez kapitana

BATE siońnia palacieŭ u Vienhryju na matč Lihi čempijonaŭ.

Na piarednim płanie -- Alaksandr Hleb.

Siońnia dniom barysaŭski BATE skiravaŭsia ŭ Vienhryju na matč u adkaz 3-ha kvalifikacyjnaha raŭndu Lihi čempijonaŭ z «Debrecenam», što projdzie viečaram u aŭtorak (21:30).

Trenierski štab na čale ź Viktaram Hančarenkam uklučyŭ u vyjazny śpis 18 futbalistaŭ, paviedamlaje aficyjny sajt kłuba

Hałkipiery — Alaksandr Hutar, Andrej Harbunoŭ;

abaroncy — Maksim Bardačoŭ, Dzianis Palakoŭ, Arciom Radźkoŭ, Marka Simič, Alaksandr Jurevič;

paŭabaroncy — Dźmitryj Baha, Renan Bresan, Alaksandr Vaładźko, Alaksandr Hleb, Edhar Alachnovič, Alaksandr Paŭłaŭ, Filip Rudzik;

forvardy — Raman Vasiluk, Arciom Kancavy, Dźmitryj Mazaleŭski, Vital Radzivonaŭ.

Nie palacieŭ u Vienhryju Dźmitryj Lichtarovič. U kapitana barysaŭčan dyjahnastavali pieranapružańnie myšcaŭ ściahna. Taksama niama ŭ zajaŭcy Jahora Filipienki i Majkona Kaližury, što nie adnavilisia paśla traŭmaŭ. Nie trapili ŭ zajaŭku Jaŭhien Kuncevič i Zavien Badajan.

Nahadajem, što 1 žniŭnia ŭ Barysavie ŭ pieršym matčy BATE i «Debrecen» zhulali ŭničyju 1:1.

Pieramožca dvuboju harantavana trapić u jeŭrakubkavuju vosień (minimum hrupavy turnir Lihi Jeŭropy, abo płej-of kvalifikacyi Lihi čempijonaŭ); adnak kamanda, što prajhraje, budzie zmahacca ŭ płej-of kvalifikacyi Lihi Jeŭropy.

Kamientary da artykuła