Jedzieš praź miažu biez čarhi — paćviardžaj mety pajezdki
Raniej pry najaŭnaści propusku mnohija biez čerhi jeździli na šopinh ci na kancerty.
Uładalniki propuskaŭ na pazačarhovy ŭjezd u punkty propusku na hranicy Biełarusi pavinny z 1 vieraśnia paćviardžać słužbovuju abo dziełavuju metu pajezdki. Ab hetym paviedamiŭ
Jon rastłumačyŭ, što z 1 vieraśnia ŭstupili ŭ siłu novyja praviły dla ŭdzielnikaŭ źniešnieekanamičnaj dziejnaści, jakija majuć propusk na pazačarhovy ŭjezd u punkty propusku. Źmianieńni ŭ praviły ŭniesieny na padstavie Pałažeńnia ab režymie ŭ punktach propusku praź Dziaržaŭnuju hranicu Respubliki Biełaruś, zaćvierdžanaha pastanovaj Savieta Ministraŭ u redakcyi ad 31 maja 2012 hoda numar 507.
Ciapier dla pazačarhovaha pierasiačeńnia hranicy adnaho propusku niedastatkova, patrabujecca jašče pradjavić dadatkovyja dakumienty: kamandzirovačnaje paśviedčańnie; zaprašeńnie zamiežnaha partniora; dakumienty, jakija paćviardžajuć nieabchodnaść kantrolu atrymańnia (adpraŭki) tavaru (tavarna-transpartnyja nakładnyja i da t.p.); dakumienty, jakija paćviardžajuć udzieł u pierahavorach, kanfierencyjach, sieminarach, vystaŭkach i da t.p.; kantrakt (dahavor) z zamiežnym partnioram, u jakim adznačana nieabchodnaść pajezdak za hranicu; inšyja dakumienty, jakija paćviardžajuć słužbovy (dziełavy) charaktar pajezdki.
Alaksandr Ciščanka taksama adznačyŭ, što hetyja źmianieńni abumoŭleny nieabchodnaściu naviadzieńnia paradku z vykarystańniem prava na pazačarhovy vyjezd za hranicu.
«Sistema propuskaŭ pryznačana palehčyć dziejnaść subjektam źniešnieekanamičnaj dziejnaści, adnak na praktycy propuski vykarystoŭvalisia nie pa pryznačeńniu — z metaj šopinhu abo naviedvańnia kancertaŭ.U vyniku ŭźnikła situacyja, što ŭ punktach propusku pačali ŭtvaracca čerhi», — raskazaŭ Alaksandr Ciščanka.-0-