Kredytavańnie stanie bolš prazrystym
Nacbank abaviazaŭ biełaruskija banki paviedamlać kredytaatrymalnikaŭ ab pamierach štomiesiačnych vypłataŭ zhodna damovy ab atrymańni kredytu
Dahetul dziejnaść niekatorych bankaŭ vyklikała pytańni, paviedamlaje hazeta «Biełorusy i rynok». Ustalavanyja hetymi bankami dadatkovyja, akramia adsotkaŭ, vypłaty za pasłuhi, rabili canu kredytu značna bolšaj. Pry hetym klijentam banku heta nie tłumačyłasia. Ciapier zhodna papravak i dapaŭnieńniaŭ u Instrukcyju ab paradku raskryćcia bankami i niabankaŭskimi kredytna‑finansavymi arhanizacyjami ad 19 studzienia 2006 h. № 6, zaćvierdžanych pastanovaj Nacbanku ad 28 sakavika 2007 h. № 75, banki musiać znajomić svaich kredytaatrymalnikaŭ ab sumarnym pamiery štomiesiačnych vypłataŭ. Varta adznačyć, što ŭ susiedniaj Rasiei, dzie hetaja prablema stajała našmat vastrej, była ŭviedzienaja h.zv. efekiyŭnaja staŭka, jakaja ŭličvała ŭsie vypłaty. Takaja systema nie pakidaje šancaŭ dla manipulacyjaŭ z boku bankaŭ, bo ŭ hetym vypadku klijent nia musić dadatkova padličvać adsotki pa kredycie i maje mahčymaść acanić realny košt kredytu.