Dudarski Fest — 2007
Adkryćcio siońnia a 19.00 u małoj zali k/z «Minsk».
Arhanizatary festu abiacajuć, što słuchačy pačujuć dudarskuju muzyku ŭ roznych muzyčnych kirunkach — ad rok‑muzyki da mužčynskich śpievaŭ pad dudu. U festyvali zajaŭleny z dva dziasiatki kamandaŭ…
U Biełarusi chutka pašyrajecca hramadzki ruch pa viartańni adnaho z samych staražytnych i mistyčnych biełaruskich instrumentaŭ — dudy (biełaruskaj vałynki).
Čarhovy — «Dudarski fest 2007» — adkryjecca 20 krasavika ŭ Minsku. Heta vialikaja sustreča biełaruskich dudaroŭ pry ŭdziele haściej z Polščy i Litvy.
Na festyvalnaj scenie buduć hučać biełaruskija, halisijskija, šatlandzkija, švedzkija i łatyskija dudy. U festyvali budzie pradstaŭlena dudarskaja muzyka ŭsich kirunkaŭ — ad tradycyjnaha falkloru i da roku z dudami.
Hurt «Stary Olsa» vykanaje siaredniaviečnyja eŭrapiejskija tancy i staradaŭnija biełaruskija pieśni.
Rok‑hurt Litvintroll vystupić u akustycy z sapraŭdnaj šatlandzkaj dudoj.
«Kielich koła» pradstavić publicy biełaruski i łathalski falkłor 30‑ch hadoŭ — spałučeńnie biełaruskich dudaŭ ź niamieckim akardejonam.
Dudary Juraś Pankievič i Dzianis Suchi pradstaviać rekanstrukcyju aŭtentyčnaj biełaruskaj manery hrańnia na dudzie.
Mahiloŭski hurt «Za paroham» pakaža halisijskuju dudu.
Hurt «Lićvinski chmiel» i «Testamentum terrae» (Miensk) vystupiać na festyvali z prahramaj, dzie budzie pradstaŭlena i biełaruskaja, i eŭrapiejskaja dudarskija tradycyi.
U feście budzie ŭdzielničać adzin z samych pavažanych biełaruskich majstroŭ dudy — Aleś Łoś, jaki sa svajoj kapelaj vykanaje dudarskuju muzyku roznych rehijonaŭ Biełarusi.
Hurt Ceilidh Ceol syhraje tradycyjnuju irlandzkuju i šatlandzkuju muzyku. Svaje tradycyi pradstaviać aŭtentyčnyja muzyki z Polščy i Litvy.
Falklorny hurt «Kudźmień» paznajomić publiku ź biełaruskaj dudarskaj muzykaj u spałučeńni z tradycyjnymi biełaruskimi mužčynskimi śpievami.
Daviedki: 6490888, 7662425