Sieviaryniec: Budu dapamahać Milinkieviču
Užo na nastupny dzień paśla vyzvaleńnia Pavał Sieviaryniec pryjechaŭ u Miensk. A čaćviortaj ranicy Paŭła na čyhunačnym vakzale sustrakali siabry i znajomyja — z kvietkami i muzykaj. Z ranicy Pavał naviedaŭ cyrulniu, a ŭžo ab 11:00 davaŭ pres‑kanferencyju va ŭpravie Partyi BNF.
Užo na nastupny dzień paśla vyzvaleńnia Pavał Sieviaryniec pryjechaŭ u Miensk. A čaćviortaj ranicy Paŭła na čyhunačnym vakzale sustrakali siabry i znajomyja, z kvietkami i muzykaj.
Z ranicy Pavał naviedaŭ cyrulniu, a ŭžo a 11:00 davaŭ pres‑kanferencyju va ŭpravie Partyi BNF. Jon byŭ apranuty ŭ kašulu ź biełaruskim nacyjanalnym arnamentam. Pahladzieć na Sieviarynca pryjšło kala 70 čałaviek. Siarod ich byŭ Alaksandar Milinkievič, Ina Kulej, Alaksiej Janukievič, Stefan Eryksan i šmat chto jašče. Milinkievič padaryŭ byłomu palitviaźniu bukiet bieła‑čyrvona‑biełych hvaździkoŭ.
Napačatku pres‑kanferencyi ź nievialikim słovam vystupiŭ staršynia Vincuk Viačorka, jaki ŭručyŭ Sieviaryncu premiju premiju Partyi BNF za 2006 hod. Viačorka adznačyŭ, što na prykładzie Sieviarynca, my možam ubačyć jak adzin čałaviek zdolny rabić viečnaść.
Sam Pavał Sieviaryniec pačaŭ svaju pramovu z padziak na adras tych, chto pryjaždžaŭ da jaho ŭ Sitna, chto pisaŭ listy (ahułam jon atrymaŭ 1480 karespandencyj), žurnalistam, siabram, usim, chto nie zabyvaŭ na jaho. Pavał skazaŭ, što mienavita ŭ Małym Sitnie jon jak nikoli vostra adčuŭ ludzkuju salidarnaść, jakoj nie zaŭsiody chapała na voli.
Sieviaryniec ličyć, što aŭtorkavaje vyzvaleńnie jaho i Statkieviča — heta zvyčajny handal ludźmi. Handal dziela ekanamičnych vyhodaŭ z boku Eŭropy. «My ŭbačym, što ŭłada hatovaja iści na sastupki, ale na sastupki nie biełaruskamu hramadztvu, a Eŭropie, jakaja maje ryčahi dla ŭpłyvu na biełaruskuju ŭładu», — skazaŭ Sieviaryniec.
Pra plany na bližejšuju palityčnuju budučyniu Pavał adznačyŭ, što źbirajecca dapamahać Alaksandru Milinkieviču ŭ ruchu «Za Svabodu», bo bačyć u im vialikuju perspektyvu. U planach Sieviarynca pieratvaryć Biełaruskuju chryścijanskuju demakratyju ŭ najbujniejšuju palityčnuju partyju ŭ krainie. Sieviaryniec paćvierdziŭ, što źbirajecca ŭdzielničać u Kanhresie demakratyčnych, dzie budzie vystupać za stratehiju «Eŭrapiejskaj kaalicyi».
Sieviaryniec zaklikaŭ usich prysutnych pryjści 28 traŭnia da sudu Savieckaha rajonu, kab padtrymać piacioch «maładafrontŭcaŭ», jakich u hety dzień pačnujuć sudzić.
Pa skančeńni pres‑kanferencyi kala Paŭła sabrałasia žyvaja čarha ludziej, jakija chacieli parazmaŭlać ź im.