Dzianis Nosaŭ. Tancy pa-biełarusku — usie siadziać

Tancy pa-biełarusku — usie siadziać

Vyjšaŭ novy albom z seryi «Volnyja tancy», a jahony kancert-prezentacyja dabraŭsia da kancertnaje zali «Miensk». Albom nazvali «Novaja alternatyva». U «Miensku» było poŭna narodu i na dziva dobry huk. Jak i čakałasia, milicyja zrabiła ŭsio, kab rok-fest staŭ nia tolki nia «Volnymi», a navat i nia «tancami». Zabaraniali navat na miescy ŭstać dy rukami pamachać, nia kažučy ŭžo pra zvyčajnyja raniej tancy ŭ šyrokich prachodach dy pierad scenaj. Hetki «rok-kancert pa-biełarusku — usie siadziać», jak złosna sa sceny skazaŭ Kulinkovič. Narod patrochu supraciŭlaŭsia, a muzyki prahu da volnaści padtrymlivali. Varaškievič kankretna palcam pakazaŭ, chto «tam u nizie kamendant» dy zaklikaŭ abaviazkova tančyć. «Krama» jašče j ściaham pamachała. Da druhoj pałovy kancertu «achoŭnikaŭ paradku» zusim maralna zadušyli. Moładź pierastała zvažać na papiaredžańni, i ŭsia zala stajała, skakała dy śpiavała jak maje być.

Kampakt jość. Zastajecca stvaryć «pad jaho» padpolnuju biełaruskuju FM-stancyju.

Dzianis Nosaŭ