Novy doktar-muzykolah
№ 23 (180), 5 — 12 červienia 2000 h.
Novy doktar-muzykolah
28 krasavika pry Ŭniversytecie Mičyhan, u Enn Arbor, ZŠA, sp-nia Maryja Paŭla Surviła paśla paśpiachovaje abarony dysertacyi "Ab rusałkach i rok-śpievakoch: akreśleńnie siabie j zdefinijavańnie nacyi praź biełaruskuju ciapierašniuju muzyku" atrymała navukovuju stupień Doktara Muzyki ŭ halinie muzykalohii.
Kab apracavać takuju temu, Maryi Paŭli Survile treba było pravieści daśledčuju navukovuju pracu ŭ Biełarusi, u jakoj jana zrodu nie była, bo naradziłasia ŭ Hišpanii, žyła ŭ Kanadzie, vučyłasia ŭ ZŠA. Voś ža jana pajechała ŭ Biełaruś amal na ceły hod – 11 miesiacaŭ. U Biełarusi jana znajomiłasia ź biełaruskim falkloram i sučasnaju biełaruskaju rok-muzykaju. Heta było ŭ 1993 h.
Ciapier Maryja Paŭla Surviła pracuje prafesaram u Kaledžy Vartburh, ZŠA. Vykładaje muzykalohiju – teoryju muzyki j padobnaje. Jana siabra Biełaruskaha Instytutu Navuki j Mastactva ŭ Ńju-Jorku j Kanadzie.
Doktar Maryja Paŭla Surviła, dačka staršyni rady BNR sp-ni Ivonki Surviły j śvietłaj pamiaci Janki Surviły, zamužam za Erykam Vachmanam, taksama doktaram "Performing Arts" – muzyki. Jany majuć paŭtarahadovaha synka Antona, jaki razam z usioj siamjoj prysutničaŭ na ŭračystaj padziei ŭručeńnia jahonaj mamie navukovaj stupieni doktara.
Vitajem!
Raisa Žuk-Hryškievič, Taronta