BIBLIJATEKA
№ 40 (197), 2 — 9 kastryčnika 2000 h.
BIBLIJATEKA
Novyja knihi, dasłanyja ŭ redakcyju
Riespublika Biełaruś 2000. Vozmožnosti diełovoho sotrudničiestva: Informacionno-spravočnyj sbornik / T.Vierizubova i dr. – Miensk: Infarmacyjny centar Ministerstva zamiežnych spraŭ Respubliki Biełarusi, 2000. – 116 s.: ił. – Nakład 1500 as. ISBN 985R43-6342-05-8
Vydańnie maje na mecie paznajomić patencyjnych investaraŭ z našaju krainaju – jejnymi tradycyjami j sučasnaściu. Kniha maje šmat kalarovych vyjavaŭ i pradajecca ŭ mienskaj kramie “Padpisnyja vydańni” za 3300 rubloŭ.
V.Staryčonak. Biełaruskaja litaratura ad A da Ja: Dapamožnik dla abituryjentaŭ. — Miensk: Vyšejšaja škoła, 2000. – 528 s. – Nakład 5000 as. ISBN 985-06-0618-5
Knihi V.Staryčonka štohod vychodziać z metaju dapamahčy studentam u rychtavańni da vypusknych ci ŭstupnych ekzamenaŭ.
A.Fiadotaŭ. Śviata biełaruskaha piśmienstva ŭ škole: Dapamožnik dla nastaŭnikaŭ, vychavalnikaŭ, arhanizataraŭ pazaklasnaje vychavaŭčaje raboty. – Miensk: Biełaruś, 2000. – 35 s. – Nakład 4338 as. ISBN 985-01-0337-Ch
Viadoma, śviata biełaruskaha piśmienstva j druku ładzicca ŭ našaj krainie nie na najlepšym roŭni, ale abaviazak vychavalnikaŭ — papularyzavać viedy pra biełaruskich aśvietnikaŭ siarod daškalataŭ i škalaroŭ, i ŭ hetym kniha A.Fiadotava moža pamahčy.
Štohodnik Instytutu historyi Nacyjanalnaj akademii navuk Biełarusi: 1999 hod/ Redakcyjnaja kalehija: M.Kaściuk (hałoŭny redaktar) dy inš. – Miensk: Instytut historyi Nacyjanalnaj akademii navuk Biełarusi, 1999. – 176 s.: ił. – Nakład 299 as.
“Štohodnik…” vyjšaŭ jašče pad redakcyjaj kolišniaha staršyni Instytutu historyi Akademii navuk Michasia Kaściuka. Moža hetaje vydańnie niedaskanałaje ŭ peŭnych miescach pavodle źmiestu, dzie-nidzie spatykajucca pamyłki druku j niedakładnaści, ale pieršy blin sabaku, jak viadoma. Hałoŭnaje, što pačała adnaŭlacca tradycyja vydavańnia prac akademičnaje ŭstanovy, jakaja zajmajecca daśledzinami ajčynnaje historyi. Za papiarednikaŭ “Štohodnika…” mohuć uvažacca “Zapiski” Histaryčna-archiealahičnaje sekcyi Instytutu biełaruskaje kultury, što vydavalisia ŭ Miensku ŭ 1920-ja hady j spynili svoj vychad z pačatkam masavych represij suprać biełaruskaj intelihiencyi.
Epocha: Biełaruski časapis. Žnivień 2000 h. – Miensk, 2000. – 82 s.: ił.
U hetym numary, jak i zvyčajna, pieravažajuć naviny z zamiežža, padrychtavanyja pavodle matarjałaŭ polskaje peryjodyki. Nabyć hety časapis možna na mienskich siadzibach TBM i BNF.
Bialoruskie Zeszyty Historyczne – Biełaruski histaryčny zbornik. № 13. – Biełastok: Biełaruskaje histaryčnaje tavarystva, 2000. – 248 s.: ił.
Zbornik histaryčnych daśledavańniaŭ polskich biełarusaŭ hetym razam prycviečany padziejam 1939-1941 hadoŭ u zachodniaj Biełarusi. Jak zaŭždy, u zborniku prysutničajuć taksama recenzii na histaryčnyja vydańni. Kab damovicca nakont nabyćcia “Biełaruskaha histaryčnaha zbornika”, źviartajciesia na elektronny adras: niwa@kurier-poranny.com
Jedinstvo Biełarusi, ośviaŝiennoje istorijej i ustriemlennoje v buduŝieje. – Miensk: Biełaruskaja encyklapedyja, 1999. – 80 s.: ił. – Nakład 1000 as. ISBN 985-11-0161-3
U knihu ŭvajšoŭ vystup kiraŭnika našaje dziaržavy A.Łukašenki na ŭračystym schodzie, pryśviečanym 60-hodździu zadzinočańnia savieckaje j zachodniaje pałavin Biełarusi. U dadatak da stenahramy vystupu A.Łukašenki publikujucca niekatoryja dakumenty j fota šaścidziesiacihadovaje daŭniny pra padziei ŭźjadnańnia. Kniha nie była ŭ prodažy.
Padrychtavaŭ Viktar Muchin