Paštovaja skrynka

 Paštovaja skrynka

Andreju V. ź Miensku. Chiba hetyja źviestki pra Franciška Saviča nidzie raniej nie drukavalisia? Kali nie, tady Vaš artykuł niedastatkova aŭtarski, mastacki, litaraturny. Zašmat u im dydaktyčnaści j čapurystaści. Duch času nie ŭvaskrošany. U Vialacičy varta było b vybracca, dyj u Vilniu, ź jaje ducham i archivami. Źmitru M. ź Miensku. Toje samaje i z Vašym artykułam pra Viktara Cheltmana. I Vam raim pačać daśledavańnie z pajezdak u Viarchovičy i Vilniu, a tady pisać.

Lin-ku S. z Kobrynia. «Nie zajmacca samajedztvam» — cikavaja tema dla dalejšaha rozdumu i tłumačeńnia, što heta značyć. Usio astatniaje biassprečna i ŭžo pramoŭlena spsp.Paźniakom i Šareckim, tamu nie drukujem.

Vitalu A. ź Miensku. Toje, čaho panadusim šukajuć i prahnuć siabry Vašaj arhanizacyi, možna vyznačyć chutčej jak «kachańnie», čym jak «ułada». Tamu j nie dasiahajuć «vynikaŭ».

Paŭłu B. z Połacku. Vy napisali ŭsio adno, jak dla znajomych. Mnoha niezrazumiełaha. Kali sam u Połacku nie žyvieš, dyk i nia ŭciamiš, pastavili toj pomnik ci heta jašče tolki prajekt. Malunak kaža, a słovy nie apisvajuć. A «Pra chleb» — sardečna. Biarem u pracu.

Hańnie S. z Kojdanava. Mir.

Mikołu B. z Dubrovy. Parabała z peruanskim tvoram charošaja, ale asobna nie hladzicca. Tut bolš prydaŭsia b «rymejk» jaho pad biełaruskija realii.

Uładziku H. z Strasburhu. Pra hetuju prablemu ŭ biełaruskaj movie Vy ŭžo adnojčy pisali. Cikava było b daviedacca, jak jana vyrašajecca ŭ Francyi i jakija dyskusii točacca vakoł jaje.

Jarašu M. ź Miensku. Pra “Troicu” – jašče nie recenzija, a anatacyja. Zamnoha techničnych detalaŭ, hałoŭnaje nia vyłučana. Varta było b padrabiaźniej raspavieści pra festyval, asabliva kali jaho ładzili fryzy.