Čajkoŭski i karali
№ 26 (288), 12 lipienia 2002 h.
Čajkoŭski i karali
Mastak z Bavaryi Tolik Čajkoŭski maluje zbolšaha realistyčnyja partrety na zamovu svaich susiedziaŭ. Časta bavarcy prynosiać fatazdymki svaich žonak i dziaciej, kab mastak pieranios darahija vobrazy na pałatno. Niasuć i vyjavy lubimych žyviołaŭ — kocikaŭ i sabačak, navat pryvodziać svaich čatyrochnohich siabroŭ na seansy ŭ jakaści naturščykaŭ. Ale najčaściej mastaku zamaŭlajuć vyjavy karaloŭ. Ciapier u Niamieččynie modna mieć u chacie partret jakoj histaryčnaj asoby — rycara, kniazia, karala.
Tolik Čajkoŭski naradziŭsia paśla vajny ŭ siamji biełarusaŭ-emihrantaŭ. Skončyŭ Akademiju mastactvaŭ i abraŭ dla siabie darohu ŭ abstraktnym malavańni. U 1991-m jon upieršyniu apynuŭsia na radzimie baćkoŭ. Pryjechaŭ nie z pustymi rukami — pryvioz vialikuju kalekcyju svaich karcinaŭ i malunkaŭ, jakuju paśla padaravaŭ biełaruskamu Ministerstvu kultury.
A za malavańnie saksonskich, pruskich i bavarskich karaloŭ Čajkoŭkskaha prymusiła ŭziacca niastača. Tym bolš što za majsterstva niemcy hrošaj nie škadujuć. Vystaŭlajecca Čajkoŭski vielmi redka, ale abstraktanaha malavańnia nia kidaje. Žyvie adzin. Zredku naviedvajecca ŭ Miunchien da staroha baćki, taksama mastaka, da dački i syna. Vystavy ŭ Biełarusi nie planuje, ale nia suprać, kab takaja mahčymaść znoŭku źjaviłasia.
Volha Klaščuk