Babrujskaja “małaletka”
kalionija-repartazh_04.JPG
kalionija-repartazh_01.JPG
kalionija-repartazh_03.JPG
kalionija-repartazh_02.JPG
kalionija-repartazh_05.JPG
kalionija-repartazh_06.JPG
kalionija_03.JPG
kalionija_20.JPG
kalionija_47.JPG
Vychavaŭča-pracoŭnaja kalonija №2 u Babrujsku. Tut utrymlivajucca niepaŭnaletnija źniavolenyja. Pacany, vinavatyja ŭ kradziažach, rabaŭnictvach, zabojstvach, zhvałtavańniach.
Kantynhient chłopcaŭ, što traplajuć u kaloniju, absalutna rozny. Niekatoryja ź ich tolki ŭ 16—18 hadoŭ vučacca čytać i pisać.
Na pieršym miescy siarod pravaparušeńniaŭ — razboj i kradziažy. Što zmušaje chłapca iści kraści? Čaściakom nia tolki žadańnie mieć štości vyklučnaje, prestyžnaje. Byvaje, što ŭ pacana niama elementarnaha. Čamu ž tady ŭ inšych jość?
Anton pačaŭ kraści ŭ 14 hadoŭ. Pieršy raz zalez u šapik, skraŭ 10 šakaladak, 30 čupa-čupsaŭ, 30 pačkaŭ čypsaŭ, žujki “Dyroł” i “Stymarał”. Pakul išło śledztva, abrabavaŭ kvateru: uziaŭ videapłejer, kasety, fotaaparat. Pa hetych dźviuch spravach jamu dali siem miesiacaŭ vychavaŭča-pracoŭnaj kalonii i adpuścili dadomu da momantu ŭstupleńnia prysudu ŭ siłu. Anton tym časam “uziaŭ” u aptecy hrošy z kasy — kala 300 tys. rubloŭ, a ŭ adnoj kvatery — mahnitafon. Da 7 miesiacaŭ dadalisia jašče dva z pałovaj hady.
Pavał tut užo 4 hady, vučycca ŭ 11 klasie. Asudžany za napad: ź siabrukami źbili čałavieka, zabrali hrošy, zołata. Tolki ŭ kalonii ŭśviadomiŭ, što, parušyŭšy zakon, pałamaŭ svoj los. Ciapier škaduje.
Časam chłopcy zabivajuć, pryčym z asablivaj žorstkaściu, niby samaśćviardžajučysia praz heta. Nie razumiejuć, što kryminalnaja ramantyka žyvie chiba na kinaekranie. I śvietam siońnia kirujuć bahatyja adukavanyja ludzi.
Aleks adbyvaje termin za zabojstva. Asudžany na 8 hadoŭ. Dva z pałovaj užo adsiedzieŭ. Kali vyjdzie, jamu budzie 22. Byli siabry na voli, ale adviarnulisia ad jaho: nichto nia piša, nie prychodzić.
Dyk čamu ž chłopcy jduć hetkim šlacham? Chto vinavaty ŭ hetym: mo škoła abo hramadztva? Najpierš — siamja. A tamu, šanoŭnyja taty i mamy, kali daŭ vam Haspod prava zvacca baćkami, lubicie svajo dzicia, bieražycie jaho ad zła i biedaŭ dy nie kalečcie abyjakavaściu da jahonaha žyćcia! Bo ŭsie prablemy pačynajucca adsiul.
Fota i tekst
Vasila Mazajeva