14 akruhaŭ z 30 —biezalternatyŭnyja
71 čałaviek vykazaŭ namier balatavacca ŭ deputaty Haradzienskaha harcavietu. Paśla rehistracyi zastalisia 53 kandydaty. Z hetaj kolkaści 14 pretendentaŭ na deputacki mandat buduć abranyja na biezalternatyŭnaj asnovie. Usiaho ŭ harsaviecie pavinna być 30 «słuhaŭ narodu».
| FOTA ANDREJA LANKIEVIČA |
Najčaściej pryčynami admovy ŭ rehistracyi stali chiby ŭ padpisnych listach, niasłušnaść dadzienych, paznačanych u deklaracyjach.
Na dumku Siarhieja Malčyka, admova rehistravać lideraŭ apazycyi — zaplanavanaja ŭładami akcyja. Partyja BNF aformiła vyłučeńnie svaich kandydataŭ u deputaty harsavietu ad partyi. Kamisija ž źviarnułasia ŭ instancyi z patrabavańniem paćvierdzić lehitymnaść haradzkoj arhanizacyi partyi BNF.
Pošuk praŭdy ŭ abłasnym upraŭleńni justycyi skončyŭsia ničym, choć čynoŭniki Centravybarkamu j Ministerstva justycyi ŭ telefonnych razmovach adnaznačna pahadzilisia z absurdnaściu pryčyny, pavodle jakoj haradzienskija vyłučency Partyi BNF nie zarehistravanyja kandydatami ŭ deputaty.
Źviartaje na siabie ŭvahu i toje, što 44 čałavieki ad apazycyjnych hramadzkich abjadnańniaŭ Horadni nia ŭklučanyja ŭ skład učastkovych vybarčych kamisijaŭ horadu i vobłaści. Najpierš heta pradstaŭniki BNF (33 asoby) i Biełaruskaha Chielsynskaha kamitetu (4).
Anton Łabovič, Horadnia